പോരുന്നോ നീയ്?
അപ്പൂപ്പനും അമ്മൂമ്മയും നിന്നെ നേരില് കാണാന് കൊതിചിരിക്കയാ.. വന്നു കാണ്.
ഞാന് ഞാന്.... വരണോ? വന്നാല്.....വന്നാല് ..പിന്നെ ഇവിടെ .... ഇവര്....രണ്ടു വീട്ടിലും..................അവരുടെ കാര്യം !!!!!
വന്നാല് അപ്പൂപ്പന് എപ്പോഴും തരുന്ന മിട്ടായി തിന്നാം , ഗ്ലാസ്സില് പകുതിയാക്കി വയ്ക്കുന്ന ചായ ഓടി ചെന്ന് കുടിക്കാം. ഉത്സവത്തിന് കൊണ്ട് പോയി ബലൂണ് മേടിച്ചു തരും. പനി വരുമ്പോള് കൂടെ ഉറങ്ങാതെ ഇരുന്നു നെറ്റി തടവി തരും....അങ്ങനെ അങ്ങനെ ...പിന്നെ
അമ്മൂമ്മ എണ്ണ തേച്ചു കുളിപ്പിക്കും. തലയില് രാസ്നാദി തേച്ചു തരും. മടിയില് കിടത്തി കഥ പറഞ്ഞു തരും. പാട്ട് പഠിപ്പിക്കും. തിരുവാതിര മുദ്രകള് കാണിച്ചു തരും
എന്താ വന്നൂടെ?
ഞാന് വന്നാല് ഇവിടെ ആരുണ്ട്?
കുട്ടന്റെ കല്യാണം. മോന്റെ ഗുരുവായൂരിലെ തുലാഭാരം, പഴനിയിലെ നേര്ച്ച, കാവില് തൊഴാന് പോണം. പുതുക്കി പണിത കാവ് കാണണം. അച്ഛനെയും അമ്മയെയും മോനെയും അവളെയും കൊണ്ട് അമ്പലങ്ങളില് പോകണം.
പിന്നെ ദിവസവും അവളെയും പിന്നിലിരുത്തി സ്കൂളില് കൊണ്ട് ചെന്നാക്കണം, വൈകിട്ട് ചെന്ന് വിളിച്ചു കൊണ്ട് വരണം. ആ യാത്രകള്ക്കിടയില് അന്നന്ന് സ്കൂളില് നടന്ന കാര്യങ്ങള് അവള് തോളില് തലവച്ചു പറയുമ്പോള് ചിരിയോടെ കേള്ക്കണം, "എന്നിട്ട് എന്നിട്ട് " എന്ന് ചോദിച്ച് അവളെ പറയാന് നിര്ബന്ധിക്കണം.
എനിക്ക് വരാന് തോന്നുന്നില്ല. വരാന് ഇവര് സമ്മതിക്കില്ല. ഞാന് എന്താ ചെയ്ക??
ശരി.. എന്നാല് പിന്നെ അങ്ങനെ ആയ്ക്കോട്ടെ. പിന്നെ കാണാം
No comments:
Post a Comment