മകനെ... എന്തുണ്ട് വിശേഷം? വേണ്ട എഴുന്നെല്‍ക്കേണ്ട. ഇരുന്നോളൂ
നല്ല വിശേഷം, ഭഗ..
വേണ്ട മുഴുമിക്കേണ്ട, നീ ഇപ്പോള്‍ ആരോടാണ് സംസാരിക്കുന്നത് എന്ന് മറ്റാരും അറിയേണ്ട..
നിന്നോട് എന്തൊക്കെയോ ചോദിക്കണം എന്ന് തോന്നി. അതാ വന്നത്
ചോദിച്ചാലും
നീ അഹങ്കാരി ആണെന്ന് ആരെങ്കിലും നിന്നോട് പറഞ്ഞിട്ടുണ്ടോ?
ഒരിക്കലും ഇല്ല. എനിക്ക് അങ്ങനെ ഒരിക്കലും ആകാന്‍ ആവില്ലെന്ന് എല്ലാരെയും പോലെ എനിക്കും അറിയാം
നീ വലിയ മറ്റവന്‍ ആണോ എന്ന് ആരെങ്കിലും നിന്നോട് ചോദിച്ചിട്ടുണ്ടോ?
മറ്റവന്‍ എന്നല്ല, നീയാരാ VIP ആണോ എന്ന് കുറച്ചു പേര്‍ "പേര്‍സണല്‍ മെസ്സേജു" അയച്ചു ചോദിച്ചിട്ടുണ്ട്..
അതെന്താ അങ്ങനെ ചോദിക്കാന്‍ കാരണം?
അത് ഞാന്‍ അവരെ ഫ്രന്റ് ലിസ്റ്റില്‍ ചേര്‍ക്കാത്തത് കൊണ്ട്
അതെന്താ അവരെ ചേര്‍ക്കാത്തത്?
ക്ഷമിക്കണം. അങ്ങേയ്ക്ക് അറിയാമല്ലോ, ഇത് എന്റെ രണ്ടാമത്തെ പ്രൊഫൈല്‍ ആണെന്ന്. ഇതിനു മുന്‍പത്തെ പ്രൊഫൈലില്‍ ഉണ്ടായിരുന്ന ചിലര്‍ എനിക്കിട്ടു നല്ലൊരു പണി തന്നു. ഒടുവില്‍ അതൊക്കെ മറക്കാന്‍ എനിക്ക് ആ പ്രൊഫൈല്‍ തന്നെ ഡിലീറ്റ് ചെയ്യേണ്ടി വന്നു.ഏതു പോലീസുകാരനും ഒരബദ്ധം പറ്റും എന്നാണല്ലോ മുതിര്‍ന്നവര്‍ പറയാറുള്ളത്. അത് കൊണ്ട് രണ്ടാമത് ഒരു പ്രശ്നം അല്ലങ്കില്‍ ഒരു അബദ്ധം പറ്റരുത്‌ എന്ന് അതിയായി ആഗ്രഹിക്കുന്നു/ പ്രാര്‍ത്ഥിക്കുന്നു . അതുകൊണ്ട് തന്നെ ആരെങ്കിലും "ആഡഡാ ആഡഡാ" എന്നും പറഞ്ഞു വന്നാല്‍ "നെഞ്ചില്‍ ഒരു കൊള്ളിയാന്‍ മിന്നും". അത്രയ്ക്ക് പേടിയാ
ഉം .. മനസ്സിലായി.
നീ ആരെയെങ്കിലും ദ്രോഹിക്കുകയോ വിഷമിപ്പിക്കുകയോ ചെയ്തിട്ടുണ്ടോ?
ഒരിക്കലുമില്ല. എനിക്കതിനാകില്ല. പിന്നെ കൂട്ടുകാര്‍ ഇടുന്ന പോസ്റ്റുകളില്‍ കമന്റ്‌ ഇടാറുണ്ട്. അത് അവരെ ചിരിപ്പിക്കാന്‍ വേണ്ടി മാത്രമാണെന്ന് അവര്‍ക്കറിയാം. അത് അവരെ വിഷമിപ്പിക്കാറില്ല എന്ന് അവര്‍ എന്നോട് പറഞ്ഞിട്ടുണ്ട്
ഉം.. മനസ്സിലായി
ആരെങ്കിലും നിന്നെ വിഷമിപ്പിച്ചിട്ടുണ്ടോ?
ഇല്ല..
നിന്നെ കളിയാക്കി കൊണ്ട് ഫോട്ടോ ഇടുമ്പോഴും വിഷമം തോന്നിയിട്ടില്ല?
ഇല്ല. കാരണം, ഇതൊക്കയൂം ചിരിക്കാനും ചിരിപ്പിക്കാനും ഉള്ള കാര്യങ്ങളായിട്ടെ ഞാന്‍ കണ്ടിട്ടുള്ളൂ,
ഉം.. കൂട്ടുകാരെയൊക്കെ നിനക്കിഷ്ട്ടമാണോ?
തീര്‍ച്ചയായും. നമ്മുടെ ശ്രീവത്സം കൊട്ടാരത്തിലെ അംഗങ്ങളെ പോലെ ഞാന്‍ അവരെ സ്നേഹിക്കുന്നു, ഇഷ്ട്ടപ്പെടുന്നു.
ഉം.. നമുക്ക് തൃപ്തിയായി. നിന്നോട് ചോദിച്ച ചോദ്യങ്ങള്‍ക്ക് നീ തരാന്‍ പോകുന്ന ഉത്തരം ഇതുപോലെ സത്യം മാത്രം ആയിരിക്കുമെന്ന് എനിക്കറിയാമായിരുന്നു. . അതാണല്ലോ എനിക്ക് നിന്നോട് ഇത്രയും സ്നേഹവും. ആ ഒരു ഇഷ്ട്ടം കൊണ്ടാണ് ഞാന്‍ നിന്നെ ഇത്രയും "സുന്ദരന്‍" ആക്കിയതും. നിന്റെ മനസ്സിന്റെ സൌന്ദര്യമാണ് നിന്നെ ശരിക്കും സുന്ദരനാക്കുന്നത്. നിനക്കും കുടുംബത്തിനും നിന്റെ കൂട്ടുകാര്‍ക്കും എന്നും നന്മകള്‍ മാത്രം ഉണ്ടാകട്ടെ.
അപ്പോള്‍ ഞാന്‍ പോകട്ടെ, അടുത്ത മാസം ആയില്യം നാളില്‍ നിന്നെ കാണാന്‍ ഇനിയും വരും. അന്ന് ഒരുപാട് നേരം നിന്റെ കൂടെ ഇരിക്കാം. നിന്റെ കൂടെ ഇരിക്കുമ്പോള്‍ എന്തോ ഒരു സന്തോഷം.
നന്ദി ഭഗവാനെ... നന്ദി. മുകളിരിക്കുന്ന അങ്ങ് എല്ലാം അറിയുന്നു. ആരൊക്കെ തെറ്റിദ്ധരിച്ചാലും അങ്ങേയ്ക്ക് എല്ലാം അറിയാമെന്നുള്ള ഒരു സമാധാനം എപ്പോഴും എനിക്കുണ്ട്. അത് തന്നെയാണ് ജീവിതത്തെ മുന്നോട്ടു കൊണ്ട് പോകുന്നതും, കുടുംബത്തില്‍ എപ്പോഴും സന്തോഷവും സമാധാനവും നില നില്‍ക്കുന്നതും.
ശരി മകനെ..നമ്മുടെ അനുഗ്രഹം എപ്പോഴും ഉണ്ടാകും. അത്താഴം കഴിച്ചോ? എന്താണ് കഴിക്കാന്‍ ഉണ്ടാകിയത്?
അപ്പവും, പിന്നെ.. പിന്നെ..
ഉം ഉം.. മനസ്സിലായി, അത് ഉപേക്ഷിക്കണം എന്ന് ഞാന്‍ പറയില്ല, പക്ഷെ കുറയ്ക്കണം. കാരണം, കൊളസ്ട്രോള്‍ ശരീരത്തിന് നന്നല്ല.
ഹ ഹ. അപ്പോള്‍ പറഞ്ഞത് പോലെ രാത്രിയില്‍ യാത്രയില്ല.
പ്രണാമം മഹാ പ്രഭോ.. പ്രണാമം
No comments:
Post a Comment