വിനോദ വീടും മുഖ പുസ്തകവും

താഴെ നടക്കുന്ന സംഭാഷണ ശകലങ്ങള്‍ക്ക് "ഫേസ് ബുക്കുമായോ" അതിലെ സംഭവ ങ്ങളുമായോ എന്തെങ്കിലും ബന്ധമുണ്ടെന്ന് എന്നെ പോലെ നിങ്ങള്‍ക്കും തോന്നിയാല്‍ അത് വെറും യാദൃചികം മാത്രമാണെന്ന് പറഞ്ഞു "സ്വന്തം ആരോഗ്യം സംരക്ഷിക്കേണ്ടി വരുന്ന" ഒരു പാവം തമ്പുരാന്‍  

തമ്പുരാന്‍ രാജ ഗുരു എഴുന്നള്ളു ന്നേയ്  ....

തമ്പു - പ്രണാമം ഗുരോ

ഗുരു  -  ആയുഷ്മാന്‍ ഭവ തമ്പുരാന്‍. എന്താണ് നമ്മോടു അങ്ങയെ മുഖം കാണിക്കണം എന്ന സന്ദേശം കൊടുത്തയച്ചത്‌? ANY SPECIFIC REASON ?

തമ്പു- (ഈശ്വരാ ഗുരുവും ഇംഗ്ലീഷ്   പറഞ്ഞു തുടങ്ങിയോ...)ഗുരോ, രാജ്യത്ത് എന്തൊക്കെയോ അനര്‍ത്ഥ ങ്ങള്‍   സംഭവിക്കുന്നത്‌ പോലെ..SOMETHING  IS  STINKING  SOMEWHERE 

ഗുരു  -  (ഈശ്വരാ മൂര്‍ഖന്‍ പാമ്പിനെയാണോ ചവിട്ടിയത്.. ഇങ്ങേര്‍ പറഞ്ഞതിന്റെ അര്‍ഥം എന്താണോ ആവോ..) പെട്ടെന്ന് അങ്ങനെ തോന്നാന്‍ കാരണം? തെളിച്ചു പറയൂ TELL  തമ്പുരാന്‍  TELL 

തമ്പു- ഗുരോ അങ്ങേയ്ക്ക് അറിയാമല്ലോ  , "വിനോദം മാത്രം  ലക്‌ഷ്യം വച്ച് കൊണ്ട് നാം ഒരു പ്രസ്ഥാനം തുടങ്ങിയിരുന്നു. അതിനൊരു പേരും ഇട്ടു "വിനോദ വീട്" . മുക്കിനും മൂലയിലുമുള്ള നാട്ടു രാജാക്കന്മാര്‍ക്കും  , മറ്റു പ്രജകള്‍ക്കും പരസ്പരം കണ്ടും വര്‍ത്തമാനം പറഞ്ഞും ചിരിച്ചും ഒക്കെ ഹര്‍ഷ പുളകിതരാകാന്‍ ഒരു "കളരി". അതായിരുന്നു നമ്മുടെ ഉദ്ദേശം. അത് കൊണ്ട് തന്നെ യാതൊരു നിയന്ത്ര ണ ങ്ങളും    ഏര്‍പ്പെടുത്തിയിരുന്നില്ല. മഹാബലി തമ്പുരാന്‍ വാണ നാടിന്റേതായ ഒരു അന്തരീക്ഷം ആണ് ഇവിടം എന്ന ഒരു അഹങ്കാരം ആയിരുന്നു നമ്മുടെ മനസ്സില്‍. അത് കൊണ്ട് തന്നെ നമ്മുടെ മന്ത്രി പുങ്കവന്‍ (MBA ഫ്രം കോയിക്കല്‍ സര്‍വകലാശാല ) "വിനോദ വീട്" എന്ന പേരിനു ഒരു "ഭാരമില്ല" അതുകൊണ്ട് ആ പേര് മാറ്റി "മുഖ കണ്ണാടി" എന്നിടാം എന്ന് പറഞ്ഞപ്പോഴും നാം പുഞ്ചിരിച്ചു കൊണ്ട് അതിനു അനുവാദം കൊടുത്തു. പക്ഷെ...

ഗുരു  -  പക്ഷെ? എന്ത് പക്ഷെ? എന്താ തമ്പുരാന്‍, why  did  you  put  a  പക്ഷേ at  the  end ?

തമ്പു- (പുല്ല്.. ദേ പിന്നെയും ഇംഗ്ലീഷ്. ഇങ്ങേര് എന്നെ കൊണ്ട് "രാപ്പിടെക്സ്   ഇംഗ്ലീഷ്   സ്പീകിംഗ്‌ കോഴ്സ്" മേടിപ്പിച്ചേ അടങ്ങൂ..) ഗുരോ.. സമാധാനപരമായി രസകരമായി പോയിക്കൊണ്ടിരിക്കുന്ന ഈ കളരിയില്‍ , ചില "തെറിച്ച പ്രജകളുടെ" പ്രജാ  വിരുദ്ധ പരമായ ചില നടപടികള്‍ കാരണം ഒരു രസക്കുറവു അനുഭവപ്പെടുന്നതായി കൊട്ടാരവാസികളും, പിന്നെ മറ്റു പ്രജകളും   പരാതി ഉണര്‍ത്തി ച്ചിരിക്കുന്നു  .

ഗുരു  -  പ്രജാ  വിരുദ്ധ മോ?  സാമൂഹിക വിരുദ്ധമെന്നു കേട്ടിട്ടുണ്ട് , ഇത്ര കടുകട്ടി മലയാളം പ്രയോഗിക്കാതെ ഈ ഗുരുവിനു മനസ്സിലാകുന്ന ഭാഷയില്‍ പറഞ്ഞു പണ്ടാരമാടക്കിക്കൂടെ ..

തമ്പു- ഗുരോ.. MIND  YOUR  LANGUAGE ,

ഗുരു  -  ലഗ്ഗെജോ? അതെന്താണ് തിരുമനസ്സേ

തമ്പു- ഗുരോ പദങ്ങള്‍ സൂക്ഷിച്ചു ഉപയോഗിക്കാന്‍ . പണ്ടാരം നമുക്ക് ഹിതമല്ലാ . നമ്മെ വെറുതെ ആ "ചന്ത ലെവലിലെയ്ക്ക് " കൊണ്ട് പോകരുത്.

ഗുരു  -  ക്ഷമിക്കണം തമ്പുരാന്‍, ഒരു നിമിഷം നാം പള്ളി ചന്തയില്‍ ആണെന്ന് വിചാരിച്ചു പോയി (രണ്ടും കണക്കു തന്നെ. BOTH  ARE  MATHEMATICS ..). പറഞ്ഞാലും തമ്പുരാന്‍, എന്താണ് ശരിക്കും സംഭവിച്ചത്?

തമ്പു-നല്ലവരായ ചില പ്രജകളുടെ "മുഖം മൂടി" ധരിച്ചു കൊണ്ട് മറ്റു ചിലര്‍ ആ കളരിയില്‍ ചെന്ന് സഭ്യവും അസഭ്യവുമായ പ്രവര്‍ത്തികളില്‍ ഏര്‍പ്പെടുന്നു. ഒടുവില്‍ ശരിക്കുള്ള പ്രജയാര്, കൂതറ പ്രജയാര് .. ക്ഷമിക്കണം വൃത്തികെട്ട പ്രജയാര് എന്ന് മനസ്സിലാക്കാന്‍ ആകാത്തവിധം സംഗതികള്‍ വഷളാ യിരിക്കുന്നു  . .

ഗുരു  -  (ഹും സ്വയം ഉപയോഗിക്കുന്ന വാക്ക് കേട്ടോ "കൂതറ" എന്നിട്ടാ ഇങ്ങേരു എന്റെ മണ്ടയ്ക്ക് കുതിര കേറുന്നത്.. ഇങ്ങേരു എന്നെ കൊണ്ട് കിണ്ടി എടുപ്പിക്കും ശപിപ്പിക്കാന്‍ . വേണ്ട, വെറുതെ എന്തിനാ ആ വാളിന്‌ പണി കൊടുക്കുന്നത്). തമ്പുരാന്‍, ഇതിനെതിരെ എന്തെങ്കിലും പോംവഴി കണ്ടു പിടിച്ചൂടെ..

തമ്പു-BLOODY  HELL .. ക്ഷമിക്കണം ഒരു നിമിഷം ഞാന്‍ ഗുരുവിനെ ഒന്ന് ബഹുമാനിച്ചു  പോയി.  ഒരു പോംവഴി കണ്ടുപിടിക്കാനാ അങ്ങയെ ഇങ്ങോട്ട് കെട്ടി എടുപ്പിച്ചത്. പിന്നെയും ക്ഷമിക്കൂ, അങ്ങയെ ഇങ്ങോട്ട് ആനയിച്ചത് ഗുരോ.. എന്താണ് ഈ പ്രശ്നത്തിനൊരു പരിഹാരം?

ഗുരു  -  (പുല്ല്.. ഞാന്‍ കരുതി വല്ല പണക്കിഴിയും തരാനായിരിക്കുമെന്ന്. ഇങ്ങനെ ഒരു മാരണം ആണോ എന്റെ നെഞ്ചത്തോട്ട് വച്ച് തന്നത്,).. തമ്പുരാന്‍ നാമൊന്നു ആലോചിക്കട്ടെ. 

തമ്പു-TAKE  YOUR   OWN  TIME  ഗുരോ .. BUT  COME  UP  WITH  A  SOLID  SOLUTION 

ഗുരു  -  (ദൈവമേ നമുക്കിട്ടു വല്ല തെറിയുമാണോ ഈ കാലമാടന്‍ പറയുന്നത്?) എന്താണ് തമ്പുരാന്‍ അവിടുന്ന് ഉദ്ദേശിച്ചത്?

തമ്പു- ക്ഷമിക്കണം ഗുരോ, നേരത്തെ അങ്ങ്   ഇംഗ്ലീഷ് വച്ച് കാച്ചുന്നത് കണ്ടപ്പോള്‍, നാം കരുതി അങ്ങയ്ക്ക് ഏതോ സായിപ്പിനെ ഗുരുവായി കിട്ടിയെന്ന്. നാം ഉദ്ദേശിച്ചത്, "സമയം എടുത്ത് ആലോചിച്ച് നല്ല ഒരു പോംവഴി കണ്ടു പിടിക്കാന്‍"

ഗുരു  -  നമുക്ക് അത് മനസ്സിലായിരുന്നു തമ്പുരാന്‍ (പുല്ല് വെറുതെ തെറ്റിദ്ധരിച്ചു) 

അല്‍പ സമയം കഴിഞ്ഞ്

ഗുരു  -  കിട്ടി തമ്പുരാന്‍. ഒരു മനോഹരമായ വഴി നമുക്ക് തെളിഞ്ഞു വരുന്നു. 

തമ്പു- OH  MY  GOD , YOU  ARE  THE  MAN  ഗുരോ YOU ARE  THE MAN . പറയൂ എന്താണ് വഴി.

ഗുരു  -  തമ്പുരാനെ, നമ്മുടെ രാജ്യത്ത് ഇഷ്ട്ടം പോലെ "നെല്ലിക്കാ മരം" ഉള്ളതായി അങ്ങേയ്ക്ക് അറിയാമല്ലോ, ഒരു ഉത്തരവ് പുറപ്പെടുവിച്ചാലും, അടിയന്തിരമായി ഈ രാജ്യത്തെ എല്ലാ പ്രജകളും, ആള്‍ക്ക് ഓരോ ചാക്ക് വച്ച് നെല്ലിയ്ക്കാ പറിക്കുകയും, എത്രയും വേഗം അവയെ "സ്വന്തം ശിരസ്സില്‍" തളം വയ്ക്കുകയും വേണമെന്ന്. അങ്ങനെ നെല്ലിക്കാ തളം വയ്ക്കുക വഴി, ഒരു മാതിരി പെട്ട എല്ലാ പ്രശ്നങ്ങളും തീരുമെന്ന് ഈ ഗുരുവിന്റെ ജീവിതം തന്നെ ഉദാഹരണം ആയി അങ്ങേയ്ക്ക് നോക്കി കാണാം

തമ്പു- സമ്മതിച്ചു ഗുരുവേ സമ്മതിച്ചു. അങ്ങയുടെ ഒടുക്കത്തെ ഒരു ബുദ്ധി. നമുക്ക് സന്തോഷമായി ഗുരുവേ സന്തോഷമായി.

ആരവിടെ? ഗുരു പറഞ്ഞ ഉപായം എത്രയും   വേഗം  ഒരു "ഉത്തരവ്" ആയി ആലേഖനം ചെയ്തു നാട് മുഴുവന്‍ വിളംബരം ചെയ്യുവിന്‍...പ്രജകളെല്ലാം "നെല്ലിയ്ക്കാ തളം" വച്ചു എന്ന് ഉറപ്പു വരുത്തിയിട്ട് നമ്മെ അറിയിക്കുവിന്‍..

ഗുരോ, അങ്ങില്‍ നാം സംപ്രീതനായിരിക്കുന്നു  . നമിക്കുന്നു അങ്ങയെ നാം.

ആരവിടെ, കൊണ്ട് വരിന്‍ പണക്കിഴി.

മന്ത്രി പുങ്കവാ, തൊട്ടടുത്ത KFC ശാലയില്‍ വിളിച്ചു എത്രയും വേഗം ഒരു KFC BUCKET  തന്നെ  വരുത്തി ഗുരുവിന്റെ പള്ള നിറപ്പിക്കുവിന്‍.

നാമേതായലും ഈ സന്തോഷം ഒന്ന് ആഘോഷിച്ചു തീര്‍ക്കട്ടെ. ,