രാമു ചൊല്ലി - നീ ഫെയ്ക് ആണ്.
ദാമു ചൊല്ലി - നീ ഫെയ്ക് ആണ്.
ഷീല ചൊല്ലി - നീ ഫെയ്ക് ആണ്.
കോമളം ചൊല്ലി - നീ ഫെയ്ക് ആണ്.
ശ്യാമള ചൊല്ലി - നീ ഫെയ്ക് ആണ്.
രമേശന്‍ ചൊല്ലി - നീ ഫെയ്ക് ആണ്.
നീലകണ്ടന്‍ ചൊല്ലി - നീ ഫെയ്ക് ആണ്.
പ്രദ്യുമ്നന്‍ ചൊല്ലി - നീ ഫെയ്ക് ആണ്.
ധൃതരാഷ്ട്രരും ചൊല്ലി - നീ ഫെയ്ക് ആണ്.
ഈശ്വരാ ഞാന്‍ ഇവരെ എങ്ങനെ പറഞ്ഞു മനസ്സിലാക്കും ഞാന്‍ "നിങ്ങള്‍ പറഞ്ഞ ആ സാധനം അല്ല" എന്ന്.. ശരി ഞാന്‍ എന്നെ തന്നെ ഒന്നും കൂടി ചെക്ക്‌ ചെയ്യാം.
"എന്റെ തന്നെ ഫോട്ടോ, എന്റെ തന്നെ സുന്ദരമായ ഐശ്വര്യം തുളുമ്പുന്ന മുഖം, എന്റെ തന്നെ സുന്ദരമായ ചിരി, ആകെ മൊത്തത്തില്‍ സുന്ദരക്കുട്ടന്‍, ജനന തീയതി കൃത്യം. സ്ഥലം കൃത്യം, ഇഷ്ട്ടങ്ങളും, അനിഷ്ട്ടങ്ങളും എഴുതിയിരിക്കുന്നതെല്ലാം കിറു കൃത്യം.
പിന്നെ എന്തിനിവര്‍ പറയുന്നു ഞാന്‍ ഫെയ്ക് ആണെന്ന്? ഞാന്‍ മറ്റുള്ള "ലവന്മാരെ" പോലെ പെണ്ണുങ്ങളുടെ ഫോട്ടോ "പ്രൊഫൈല്‍ ഫോട്ടോ" ആയി അപ്‌ലോഡ്‌ ചെയ്തു "പെണ്ണുങ്ങളുടെ എണ്ണം ലിസ്റ്റില്‍ കൂട്ടുന്നില്ല. ആണായിട്ടും പെണ്ണിനെ പോലെ സംസാരിക്കുന്നില്ല, എന്നിട്ടും എന്തിനാ ഇവര്‍ ഞാന്‍ ഫെയ്ക് എന്ന് പറയുന്നത്?
ഞാന്‍ ഫെയ്ക്ക് അല്ലെ.. ഞാന്‍ ഫെയ്ക്ക് അല്ലെ..ഞാന്‍ ഫെയ്ക്ക് അല്ലെ. ഞാന്‍ ശരിക്കുള്ള "ഭൂലോക സുന്ദരന്‍ ആണേ", ഞാന്‍ ശരിക്കുള്ള "ഭൂലോക സുന്ദരന്‍ ആണേ",ഞാന്‍ ശരിക്കുള്ള "ഭൂലോക സുന്ദരന്‍ ആണേ"
മോനെ എഴുന്നെല്‍ക്കെടാ സമയം എത്ര ആയീന്നാ വിചാരം?
ഈശ്വരാ, ഇത് അമ്മയുടെ ശബ്ദമാണല്ലോ.. അമ്മ എപ്പോഴാ ഫേസ് ബുക്കില്‍ ചേര്‍ന്നത്‌? ശോ, ഈ അമ്മ എന്നോട് ഒന്നും പറഞ്ഞില്ലല്ലോ
ഏട്ടാ, ഒന്ന് എഴുന്നേല്‍ ക്കുന്നുണ്ടോ? ... ദൈവമേ,,, ദിവ്യയും ചേര്‍ന്നോ ഫേസ് ബുക്കില്‍? ഇവരാരും എന്താ എന്നോട് ഒന്നും പറയാത്തത്..??
മോനെ.. ദാ ചായ തണുത്തു. ദോശയും ചമ്മന്തിയും തണുത്തു പോകും .. നീ എഴുന്നെല്‍ക്കുന്നുണ്ടോ, അതോ ഞാന്‍ വെള്ള മൊഴിക്കണോ തലയില്‍?
ശോ ആരാ വെള്ളമൊഴിച്ചത്? ഞാന്‍ ഇതെവിടെയാണ്? അപ്പൊ ഞാന്‍ ഫെയ്ക്ക് അല്ലെ?
നിനക്കിതെന്തു പറ്റി? ഫെയ്ക്കോ? അതെന്തൂട്ട് സാധനം? ഓരോ വട്ടും ചിന്തിച്ചു കിടന്ന് ഉറങ്ങിക്കോളും ? പോയി കുളിക്കെടാ
ശോ,, അത് സ്വപ്നമായിരുന്നോ? ഭാഗ്യം, അപ്പോള്‍ ഞാന്‍ ഫെയ്ക്ക് അല്ല. അപ്പോള്‍ ഞാന്‍ "ലോകം അംഗീകരിച്ച, ഭൂലോക സുന്ദരനായ" ആയില്യം തിരുനാള്‍ തന്നെയാണ്
No comments:
Post a Comment